فوتو اشىق دەرەككٶزدەن الىندى
اقتاۋ قالاسىنىڭ تۇرعىنى ٶز بالاسىنا سەكسۋالدىق سيپاتتاعى زورلىق-زومبىلىق جاسالدى دەپ شاعىمداندى. پوليتسييا ٸستٸڭ مەن-جايىن انىقتاپ جاتىر, دەپ حابارلايدى "ۇلت اقپارات" Polisia.kz Telegram-ارناسىنا سٸلتەمە جاساپ.
"26 قاڭتاردا اقتاۋ قالاسى پوليتسييا باسقارماسىنا ٶزٸنٸڭ جاسٶسپٸرٸم بالاسىنا قاتىستى سەكسۋالدىق سيپاتتاعى زورلىق-زومبىلىق جاسالدى دەپ كٷدٸكتەنگەن 35 جاستاعى ازاماتشا جازباشا ارىزبەن جٷگٸندٸ.
بۇل دەرەك قر قىلمىستىق كودەكستٸڭ 121-بابى 4-بٶلٸگٸ بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸندە تٸركەلدٸ.
بارلىق مەن-جايدى انىقتاۋ ٷشٸن قاجەتتٸ ٸس-شارالار جٷرگٸزٸلٸپ جاتىر. سونداي-اق سوت-مەديتسينالىق ساراپتاما تاعايىندالدى" - دەلٸنگەن حابارلامادا.
ٶزگە اقپارات تەرگەۋ مٷددەسٸ ٷشٸن جارييا ەتٸلمەيدٸ.
