فوتو: Fox News
اقش پرەزيدەنتٸ دونالد ترامپ اق ٷيدٸڭ ۋكرايناعا بارلاۋ اقپاراتىن بەرۋ جٶنٸندەگٸ شەكتەۋلەرٸن الىپ تاستاۋعا كٸشكەنە قالعانىن مەلٸمدەدٸ, دەپ حابارلايدى BAQ.KZ-كە سٸلتەمە جاساپ.
ترامپتىڭ ايتۋىنشا, اقش ۋكرايناعا قورعانىس ماقساتىندا كەيبٸر بارلاۋ مەلٸمەتتەرٸن ۇسىنۋدى جالعاستىرۋدا. بٸراق ول كيەۆتٸڭ رەسەيمەن بەيبٸت كەلٸسٸمگە كەلۋگە شىنايى ىقىلاس تانىتۋى تيٸس ەكەنٸن اتاپ ٶتتٸ.
ولاردا كارتا جوق. ەشكٸمدە جوق. رەسەيدە دە جوق. بٸراق بٸز كەلٸسٸمگە كەلۋٸمٸز كەرەك. بۇل – ماعىناسىز سوعىس, بٸز ونى توقتاتامىز, – دەدٸ ترامپ Air Force One بورتىندا جۋرناليستەرمەن سۇحباتىندا.
ول اقش-تىڭ بارلاۋ مەلٸمەتتەرٸن بەرۋٸن تولىعىمەن قالپىنا كەلتٸرۋ مٷمكٸندٸگٸن جوققا شىعارمادى.
بٸز مۇنى دەرلٸك جاسادىق. مەنٸڭ ايتارىم – بٸز ۋكرايناعا بۇل مەسەلەنٸ شەشۋگە كٶمەكتەسۋٸمٸز كەرەك, – دەدٸ ترامپ.
سونىمەن قاتار, پرەزيدەنت ۋكراينا جاقىندا رەسەيمەن پايدالى قازبالارعا قاتىستى كەلٸسٸمگە قول قويادى دەپ سانايتىنىن ايتتى. بٸراق ول كيەۆتٸڭ بەيبٸتشٸلٸككە ۇمتىلىسىن جەتكٸلٸكتٸ دەڭگەيدە كٶرسەتپەگەنٸن اتاپ ٶتتٸ.
مەنٸڭ ويىمشا, ولار ەلٸ دە بەيبٸتشٸلٸككە شىنايى تالپىنىس جاسامادى. بٸراق كەلەسٸ ەكٸ-ٷش كٷندە بەرٸ ايقىن بولماق. بٸز بۇل سوعىستى توقتاتۋىمىز كەرەك. ۋكراينا قالالارىندا جٷزدەگەن ادام قازا تاپتى. ەگەر مەن پرەزيدەنت بولعاندا, مۇنداي نەرسە مٷلدە بولماس ەدٸ, – دەپ مەلٸمدەدٸ ول.
ترامپ اقش-تىڭ رەسەيگە قارسى جاڭا سانكتسييالار ەنگٸزۋ مٷمكٸندٸگٸن قاراستىرىپ جاتقانىن, بٸراق بۇل مەسەلەگە تولىق نازار اۋدارۋ ٷشٸن ساۋد ارابيياسىندا ٶتەتٸن رەسەي مەن ۋكراينا ٶكٸلدەرٸمەن كەلٸسسٶزدەردٸ كٷتٸپ وتىرعانىن ايتتى.
بۇل اپتادا كٶپ ٶزگەرٸس بولادى دەپ ويلايمىن. بارلىعى بۇل سوعىستىڭ اياقتالعانىن قالايدى, – دەدٸ ترامپ.
