60 بالا مەن بٸرنەشە ەرەسەك لوس-اندجەلەس ەۋەجايىنا اپاتتى جاعدايدا قونعان Boeing 777-200 ەۋە كەمەسٸنەن تاستالعان رەاكتيۆتٸ وتىننان كەيٸن مەديتسينالىق كٶمەككە جٷگٸندٸ, – دەپ حابارلايدى ۆۆس.
جانارماي باكتارىنان كەروسين التى مەكتەپ ورنالاسقان ايماققا, اتاپ ايتقاندا بالالار الاڭىنا شاشىراعان. زارداپ شەككەندەر تىنىس الۋلارىنىڭ قيىنداۋى مەن تەرٸلەرٸنٸڭ تٸتٸركەنۋٸنە بايلانىستى شاعىمدانۋدا. Delta 89 رەيسٸ لوس-اندجەلەستەن شانحايعا ۇشقان, بٸراق قوزعالتقىشىنىڭ سىنۋىنا بايلانىستى ەكيپاج شۇعىل تٷردە قايتا ورالۋ تۋرالى شەشٸم قابىلداعان.
تەكسەرۋ جٷرٸپ جاتىر. Delta Airlines ەۋە كومپانيياسى شۇعىل قونباستان بۇرىن ۇشاق سالماعىن ازايتۋ ٷشٸن وتىندى تٶگۋ قاجەت بولعانىن رەسمي تٷردە راستادى. لاينەر سەتتٸ قوندى, جولاۋشىلار مەن ەكيپاج مٷشەلەرٸ اراسىندا زارداپ شەككەندەر جوق.
