اقش اكتيۆٸ كەمٸندە بٸر تريلليون دوللار قۇرايتىن رەسەيلٸك بانكتەرگە سانكتسييا سالادى. اراسىندا ۆتب دا بار. بۇل جٶنٸندە بەيسەنبٸ كٷنگٸ باسپاسٶز مەسليحاتى كەزٸندە اقش پرەزيدەنتٸ دجو بايدەن ايتتى.
اقش قارجى مينيسترلٸگٸنٸڭ حابارلاۋىنشا, سانكتسييا سونىمەن بٸرگە "سبەر", "گازپرومبانك", "وتكرىتيە", سوۆكومبانك جەنە نوۆيكومبانكتٸ دە قامتيدى. بۇل اقپاراتتان كەيٸن "سبەردٸڭ" بيرجاداعى قۇنى 40 پايىزعا ارزاندادى.
بايدەننٸڭ ايتۋىنشا, امەريكا بيلٸگٸ ەزٸرگە رەسەيدٸ حالىقارالىق تٶلەم جاساۋعا مٷمكٸندٸك بەرەتٸن SWIFT جٷيەسٸنەن اجىراتپايدى. اقش-تىڭ پٸكٸرٸنشە, بانك سالاسىنا سالىنعان سانكتسييانىڭ ٶزٸ رەسەي ەكونوميكاسىنا وراسان زييان تيگٸزەدٸ. بٸراق بۇل مەسەلەنٸ ەۋروپاداعى ەرٸپتەستەرٸمەن تالقىلاۋعا دايىن ەكەنٸن دە جەتكٸزدٸ.
اقش سونىمەن بٸرگە رەسەيدٸڭ دوللار, ەۋرو, فۋنت, يەنمەن وپەراتسييا جٷرگٸزۋ مٷمكٸندٸگٸن شەكتەيتٸنٸن جەنە جوعارى تەحنولوگييا ٶنٸمدەرٸنٸڭ يمپورتىن 50 پايىزعا قىسقارتاتىنىن ايتتى. شەكتەۋلەردٸڭ سونىمەن بٸرگە رەسەي ٶنەركەسٸبٸ مەن عارىش سالاسىنا دا قاتىسى بار.
رەسەيلٸك ٸرٸ كەسٸپكەرلەر مەن ولاردىڭ وتباسىنا دا سانكتسييا سالىنادى. اراسىندا "الروس" كومپانيياسىنىڭ پرەزيدەنتٸ سەرگەي يۆانوۆ, "گازپرومنەفت" كومپانيياسىنىڭ باس ديرەكتورىنىڭ ورىنباسارى اندرەي پاترۋشەۆ, "روسنەفت" مەنەدجەرٸ يۆان سەچين بار.
دجو بايدەن بۇل شارالار رەسەي ەسكەرٸن كٷشەيتۋگە كەدەرگٸ كەلتٸرەدٸ دەپ ٷمٸتتەنەدٸ. "بۇل شارالار ۆلاديمير پۋتيننٸڭ ەسكەري امبيتسيياسىنا نٷكتە قويادى دەپ ٷمٸتتەنەمٸز" دەدٸ بايدەن.
بايدەن "يمپەرييانى قايتادان قالپىنا كەلتٸرگٸسٸ كەلەتٸن" ۆلاديمير پۋتيندٸ "اگرەسسور" دەپ اتادى. ونىڭ ايتۋىنشا, امەريكا ەسكەرٸ رەسەي مەن ۋكراينا اراسىنداعى سوعىسقا ارالاسپايدى, بٸراق ناتو شىعىس ەۋروپادا كٷشتەرٸن كٶبەيتەدٸ جەنە رەسەي تارابىنان كەلەتٸن كەز كەلگەن اگرەسسيياعا تٶتەپ بەرۋگە دايىن.
