اقساي قالاسىنداعى ورتالىق كٶشەگە ەل-فارابيدٸڭ ەسٸمٸ بەرٸلدٸ, دەپ حابارلايدى "ۇلت اقپارات".
بقو ونوماستيكا كوميسسيياسىنىڭ قورىتىندىسى نەگٸزٸندە اقساي قالاسىنىڭ ەكٸمٸ امانكەلدٸ توعىزباەۆتىڭ شەشٸمٸمەن بارلىعى 25 كٶشەنٸڭ اتاۋى ٶزگەرتٸلدٸ.
وسىلايشا بۇرىنعى سوۆەتسكايا كٶشەسٸ بيىل 1150 جىلدىعى ەل كٶلەمٸندە كەڭٸنەن اتالىپ جاتقان عۇلاما عالىم ەل-فارابيدٸڭ ەسٸمٸن يەلەندٸ.
سونداي-اق ۋتۆينسكايا كٶشەسٸ – مۇحتار ەۋەزوۆ, پەرۆومايسكايا – جۇبان مولداعاليەۆ, كومسومولسكايا – تالعات بيگەلدينوۆ, وكتيابرسكايا – حيۋاز دوسپانوۆا, ۆاحتوۆايا - بەكزات ساتتارحانوۆ ەسٸمدەرٸمەن اتالاتىن بولدى.
سول سەكٸلدٸ 8 مارت – 8 ناۋرىز, بەزىمياننىي پەرەۋلوك – ٶركەن, زاپادنايا – باتىس, ۆوستوچنايا – شىعىس, لينەينايا – جٸبەك جولى, تسەنترالنايا – ورتالىق, مولودەجنايا – جاستار, وۆراجنايا – بەرەكە, پرولەتارسكايا – جەلتوقسان, رابوچايا – زەردە, سەۆەرنايا – سولتٷستٸك, ترۋدوۆايا – ەڭبەكشٸ, تۋپيكوۆايا – كٶكجيەك, چينگيرلاۋسكايا – شىڭعىرلاۋ, شكولنىي پەرەۋلوك – بالدىرعان, يۋجنايا – وڭتٷستٸك, سادوۆايا – يۆان ۆاششۋك, كووپەراتيۆنايا قايىر شەكەنوۆ بولىپ ٶزگەرتٸلدٸ.
ەسكە سالا كەتەيٸك, بۇدان بۇرىن ورالداعى ورتالىق داڭعىلداردىڭ بٸرٸنە ابايدىڭ ەسٸمٸن بەرۋ ۇسىنىلعانىن جازعان بولاتىنبىز.
