پارتييا قۇرعىسى كەلەتٸنٸن ايتىپ, ونى "سەن" دەپ اتايتىنىن مەلٸمدەگەن احمەتبەك نۇرسيلا instagram پاراقشاسىندا ٶزٸنٸڭ كەمشٸلٸكتەرٸن تٸزٸپ, ونى ٶزگەرتۋگە بولاتىنىن ايتتى.
"قويىلىمدار اياقتالدى, بولدى. كەشٸرٸم سۇرايمىن. ⠀
ٶمٸردەگٸ ەڭ قيىن شارۋا قاتەلٸگٸڭدٸ مويىنداۋ عوي. «ويعا تٷستٸم, تولعاندىم. ٶز مٸنٸمدٸ قولعا الدىم» دەپ قاتەلٸكتەرٸمدٸ تەرٸم شىقتىم: ⠀
1. ەموتسيياعا بوي الدىرىپ قويامىن. ٶزگەرتۋگە بولادى.
2. ساياساتتا تەجٸريبەم از, اقىل تىڭدامايمىن. جاناشىرلارىمنىڭ: «ەرجانمەن دەباتقا شىقپا, وقىس قيمىلدار جاساما» دەگەن اقىلدارىن تىڭدامادىم. ٶزگەرتۋگە بولادى.
3. بيزنەس ماركەتينگپەن, ساياسي ماركەتينگتٸ شاتاستىرىپ الىپپىن. ٶزگەرتۋگە بولادى.
4. كٶپ سٶيلەيدٸ ەكەنمٸن. ٶزگەرتۋگە بولادى.
5. تاعى قانداي كەمشٸلٸكتەرٸم بار, ايتساڭىزدار تٷزەيمٸن. ⠀
ەڭ باستىسى – «نيەت تٷزۋ». ەلگە قىزمەت ەتەمٸن. حالىق كەشٸرەدٸ, تٷسٸنەدٸ دەپ سەنەمٸن. ٸسٸمە ادال, بولامىن, جامان جاقتارىمدى ٶزگەرتەمٸن دەپ ۋەدە بەرەمٸن", دەپ جازدى ول جەلٸدەگٸ پاراقشاسىندا.
