قر پرەزيدەنتٸ جانىنداعى ەيەلدەر ٸستەرٸ جەنە وتباسى-دەموگرافييالىق ساياسات جٶنٸندەگٸ ۇلتتىق كوميسسييا تٶراعاسى لەززات رامازانوۆا «جارىق سەۋلەسٸ» باعدارلاماسىنىڭ ٸسكە قوسىلۋىنا وراي ۇيىمداستىرىلعان ٸس-شارادا سٶز سٶيلەدٸ, دەپ حابارلايدى قازاقپارات.
«ەيەلدەر مەن بالالاردىڭ قۇقىعىن قورعاۋ, زورلىق-زومبىلىق پەن گەندەرلٸك تەڭسٸزدٸكتٸ جويۋ مەسەلەسٸ - قازاقستانداعى مەملەكەتتٸك ساياساتتىڭ باسىم باعىتتارىنىڭ بٸرٸ. قازاقستاندا وتباسىنىڭ مٷددەسٸن قورعاۋدىڭ جەنە انا مەن بالانى قورعاۋدىڭ اجىراماس جٷيەسٸ قۇرىلادى. 2030 جىلعا دەيٸنگٸ وتباسىلىق-گەندەرلٸك ساياسات تۇجىرىمداماسى قابىلداندى. ەيەلدەر مەن قىزدارعا قاتىستى زورلىق-زومبىلىقتى ازايتۋ جەنە جويۋ, قوعامنىڭ بارلىق سالاسىندا گەندەرلٸك تەپە-تەڭدٸككە قول جەتكٸزۋ ٷشٸن ناقتى ماقساتتى ينديكاتورلار انىقتالدى», - دەدٸ لەززات رامازانوۆا.
ول ٶز سٶزٸندە ەلٸمٸزدە ٷكٸمەتتٸك ەمەس ۇيىمدارمەن بٸرگە «وتباسىنداعى زورلىق-زومبىلىقسىز قازاقستان» جوباسى جٷزەگە اسىرىلىپ جاتقانىن ايتىپ بەردٸ.
«قازاقستان بۇل باعدارلامانىڭ ميسسيياسىن ويداعىداي ورىنداۋ ٷشٸن بارلىق قاجەتتٸ كٷش-جٸگەرٸن سالادى. قازاقستان رەسپۋبليكاسى پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا بارىنشا كٶمەك پەن قولداۋ كٶرسەتۋگە دايىن. بٸز ورتالىق ازييا مەن اۋعانستانداعى ەرٸپتەستەرٸمٸزبەن سىندارلى ديالوگقا دايىنبىز, جەمٸستٸ ايماقتىق ىنتىماقتاستىقتى كٷتۋدەمٸز. بٸزدٸڭ جالپى كٷش-جٸگەرٸمٸزدٸ ٷيلەستٸرۋ ارقىلى باعدارلامالىق پرينتسيپتٸ جٷزەگە اسىرامىز - ەڭ باستىسى, ەشكٸم ۇمىتىلمايدى. بٸز بٸرلەسٸپ قانا كەز-كەلگەن زورلىق-زومبىلىق كٶرٸنٸستەرٸنە قارسى تۇرا الامىز. ادام قۇقىعىن تەك بٸرگە قورعاي الامىز», - دەپ قورىتىندىلادى ل.رامازانوۆا.
