فوتو: Pixabay.com
اباي وبلىسىندا اليمەنت تٶلەمەگەن 215 اتا-انا انىقتالدى, دەپ حابارلايدى «ۇلت اقپارات» inbusiness.kz-كە سٸلتەمە جاساپ.
"وسى جىلدىڭ باسىنان باستاپ وبلىس پوليتسەيلەرٸ قابىلداپ جاتقان شارالاردىڭ نەتيجەسٸندە ٸزدەۋدە جٷرگەن اليمەنت تٶلەۋدەن جالتارعان 245 ادامنىڭ 215-ٸ انىقتالدى", – دەيدٸ وبلىس پد كٶشٸ-قون قىزمەتٸ باستىعىنىڭ ورىنباسارى باۋىرجان يمانعاجانوۆ.
وسىلايشا, پوليتسەيلەر اجىراسقاننان كەيٸن كەمەلەتكە تولماعان ٷش بالانى تەربيەلەۋدٸ توقتاتقان 43 جاستاعى بورىشكەردٸڭ ورنالاسقان جەرٸن انىقتادى. جٷرگٸزٸلگەن تالداۋ كٶرسەتكەندەي, اليمەنتتٸ تەك ەر ادامدار عانا ەمەس, سونىمەن بٸرگە بالالارىنىڭ تاعدىرىنا قىزىعۋشىلىق تانىتپايتىن انالار دا تٶلەمەيدٸ. سونىمەن ەكٸ بالاسىنا قارىز بولعان 35 جاستاعى اليمەنت تٶلەمەگەن انا كٶرشٸ وبلىستا ۇستالدى.
