تارازدا پەشتٸ پايدالانۋ ەرەجەسٸن بۇزعان ەر ادام يٸس تيٸپ كٶز جۇمدى, دەپ حابارلايدى "ۇلت اقپارات" وبلىستىق تٶتەنشە جاعدايلار دەپارتامەنتٸنە سٸلتەمە جاساپ.
1965 جىلى تۋعان ازاماتتىڭ مەيٸتٸن تۋىستارى تاراز قالاسىنداعى جەكە ٷيدٸڭ قوناق بٶلمەسٸندەگٸ ديۆان ٷستٸنەن تاپقان.
جامبىل وبلىسى تج دەپارتامەنتٸنٸڭ كەزەكشٸ قىزمەتٸنە حابارلاما تٷسە سالىسىمەن وقيعا ورنىنا تجد 2 قىزمەتكەرٸ, سونداي-اق پوليتسييا دەپارتامەنتٸ مەن «قازترانسگاز ايماق» اق ٶكٸلدەرٸ اتتانعان.
«ەر ادامنىڭ ٶلٸمٸنٸڭ الدىن الا سەبەبٸ - پەشتٸ پايدالانۋ ەرەجەلەرٸن بۇزۋ سالدارىنان تابيعي گازدان ۋلانۋ (جەلدەتۋ كامەراسى مەن تارتقىش جوق). قاجەتتٸ ساراپاتامالار تاعايىندالدى» دەلٸنگەن ۆەدومستۆو حابارلاماسىندا.
ايتا كەتەيٸك, جىل باسىنان بەرٸ وبلىس اۋماعىندا 25 ادام گازدان ۋلانىپ, 7 ادام قازا بولدى.
