«جولاۋشىلار تاسىمالى» اق تالگو ۆاگوندارىنان قۇرالعان 3 كوممەرتسييالىق جولاۋشىلار پويىزىنىڭ قوزعالىسى ۋاقىتشا توقتاتىلعانىن ايتتى, – دەپ حابارلايدى "ۇلت اقپارات".
ولار:
- № 19/20 «نۇر-سۇلتان-نۇرلى جول - اتىراۋ» رەيسٸ. پويىز نۇر-سۇلتاننىڭ «نۇرلى جول» ۆوكزالىنان 2020 جىلدىڭ 1 شٸلدەسٸندە شىعىپ, اتىراۋعا 2 شٸلدەدە جەتۋٸ كەرەك بولعان;
-№ 95/96 «نۇر-سۇلتان-نۇرلى جول - ورال» رەيسٸ. نۇر-سۇلتاننىڭ «نۇرلى جول» ۆوكزالىنان 2020 جىلدىڭ 2 شٸلدەسٸندە شىعىپ, ورال قالاسىنا 3 شٸلدەدە جەتۋٸ كەرەك بولعان;
- № 701/702 «الماتى-2 - نۇر-سۇلتان-نۇرلى جول» رەيسٸ. الماتى-2-دەن 2020 جىلدىڭ 1 شٸلدەسٸندە شىعىپ, نۇر-سۇلتاننىڭ «نۇرلى جول» ۆوكزالىنا 2 شٸلدەدە جەتۋٸ كەرەك بولعان. وسى اتالعان پويىزدارعا بيلەت الىپ قويعان جولاۋشىلار اقشاسىن تولىق كٶلەمدە قايتارا الادى. بولماسا قولىنداعى بيلەتٸن باسقا ۋاقىتتاعى رەيسكە اۋىستىرۋ مٷمكٸندٸگٸ بار.
اتاپ ايتقاندا, بيلەتتەردٸ مىنا باعىت بويىنشا اۋىستىرۋعا بولادى: - «نۇر-سۇلتان – اتىراۋ» باعدارى; - «نۇر-سۇلتان – ورال» باعدارى; - «نۇر-سۇلتان – الماتى» باعدارى; - ورال-نۇر-سۇلتان-الماتى باعدارى; - پەتروپاۆل-نۇر-سۇلتان-الماتى باعدارى.
«باعدارلار بويىنشا قوسىمشا اقپارات الۋ ٷشٸن 105 نٶمٸرٸنە (مينۋتىنا 112 تەڭگە) حابارلاسۋعا بولادى. ۇلتتىق تاسىمالداۋشى كەلتٸرٸلگەن ىڭعايسىزدىققا بايلانىستى جولاۋشىلاردان كەشٸرٸم سۇرايدى», - دەلٸنگەن كومپانييانىڭ حابارلاماسىندا.
