فوتو: Baribar.kz
«قازاۆتوجول» ۇلتتىق كومپانيياسى ەلدەگٸ جولداردىڭ قازٸرگٸ احۋالى تۋرالى حابارلادى. اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار كەلەسٸ اۆتوجول ۋچاسكەلەرٸندە كٶلٸك قوزعالىسىنا ۋاقىتشا شەكتەلدٸ:
جامبىل وبلىسى
• «رف شەكاراسى – مەرتٶك – اقتٶبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قحر شەكاراسى» اۆتوجولىنىڭ 159-214- شاقىرىمى (كەنەن اۋىلى – قورداي اۋىلى ارالىعى);
• وسى اۆتوجولدىڭ 159-238-شاقىرىمى (كەنەن اۋىلى – قاينار اۋىلى ارالىعى).
قوزعالىس ەسكٸ قورداي اسۋى ارقىلى جٷزەگە اسىرىلادى.
پاۆلودار وبلىسى
• «استانا – شٸدەرتٸ – پاۆلودار – ۋسپەنكا – رف شەكاراسى» اۆتوجولىنداعى «قالقامان» جولايرىعى ۋچاسكەسٸندە (قالقامان كەنتٸنە كٸرەبەرٸس پەن استانا باعىتىنا شىعار جول) قوزعالىس شەكتەلگەن.
سونىمەن قاتار شىعىس قازاقستان وبلىسىنداعى وسينوۆ اسۋىندا تٸركەمەسٸ بار جەنە جارتىلاي تٸركەمەلٸ جٷك كٶلٸكتەرٸنٸڭ قوزعالىسى ۋاقىتشا شەكتەلدٸ. شەكتەۋ «ٶسكەمەن – التاي – كاتونقاراعاي – راحمان قاينارى» اۆتوجولىنىڭ 46-66-شاقىرىمىنداعى (سەۆەرنوە اۋىلى – سەرەبريانسك قالاسى) ۋچاسكەسٸندە قىس اياقتالعانشا ساقتالادى.
«قازگيدرومەت» رمك سينوپتيكتەرٸ بٷگٸن, 25 اقپاندا ەلدٸڭ بٸرنەشە ٶڭٸرٸندە قولايسىز اۋا رايىنا بايلانىستى ەسكەرتۋ جاسادى.
