فوتو: Ortcom.kz
2019 جىلدان باستاپ قازاقستاندا اۋقىمدى ينفراقۇرىلىمدىق جوبالار جٷزەگە اسىرىلىپ كەلەدٸ, نەتيجەسٸندە 1 ميلليوننان استام وقۋشى ورنىن قامتاماسىز ەتكەن 1200 جاڭا مەكتەپ قولدانىسقا بەرٸلدٸ. ەسٸرەسە, 2023 جەنە 2024 جىلداردىڭ نەتيجەسٸ اسا ماڭىزدى بولدى, بۇل جىلدارى 510 مىڭ ورىندىق 422 مەكتەپ سالىندى, دەپ حابارلايدى Ult.kz.
بۇل كٶرسەتكٸشتەر بٸرقاتار نەگٸزگٸ مەسەلەلەردٸڭ شەشٸمٸن تاپتى, ونىڭ ٸشٸندە 32 اپاتتى, 71 ٷشاۋىسىمدى مەكتەپ جەنە 200 مەكتەپتە ورىن تاپشىلىعى مەسەلەسٸ جويىلدى.
مەملەكەت باسشىسىنىڭ باستاماسىمەن «جايلى مەكتەپ» ۇلتتىق جوباسى اياسىندا 2025 جىلدىڭ سوڭىنا دەيٸن 460 مىڭ ورىندىق 217 مەكتەپ پايدالانۋعا بەرٸلەدٸ. 2024 جىلدىڭ ٶزٸندە جاڭا فورماتتاعى 105 مەكتەپ ەسٸگٸن ايقارا اشتى. بۇل مەكتەپتەردٸڭ 40% اۋىلدىق جەرلەردە ورنالاسقان. 2025 جىلدىڭ سوڭىنا دەيٸن تاعى 112 جايلى مەكتەپتٸڭ قۇرىلىسىن اياقتاۋ جوسپارلانۋدا.
ماڭىزدى قادامداردىڭ بٸرٸ - 2023 جىلى بٸلٸم بەرۋ ينفراقۇرىلىمىن قولداۋ قورىنىڭ قۇرىلۋى بولدى. ول جەمقورلاردان تەركٸلەنگەن قارجى ەسەبٸنەن تولىقتىرىلىپ كەلەدٸ. سونىڭ ارقاسىندا 100 مىڭ وقۋشى ورنىنا ارنالعان 89 مەكتەپتٸڭ قۇرىلىسى قارجىلاندىرىلدى. ونىڭ 74,4 مىڭ ورىندىق 61 مەكتەبٸندە بٷگٸندە بالالار بٸلٸم الۋدا.
سونىمەن قاتار, اۋدان ورتالىقتارى مەن اۋىلداردا 1000 مەكتەپتٸ مودەرنيزاتسييالاۋ جەتٸ باعىت بويىنشا جالعاسۋدا. سوڭعى ٷش جىلدا 4 مىڭنان استام مەكتەپتٸڭ ماتەريالدىق-تەحنيكالىق بازاسى جاڭارتىلدى, 2 مىڭنان استام مەكتەپكە STEM, فيزيكا, بيولوگييا, حيمييا, روتوبوتەحنيكا زاماناۋي كابينەتتەرٸ ورناتىلدى.
«مەملەكەتپەن قابىلدانعان تەڭدەسسٸز شارالار مەكتەپتەردە بالا تىعىزدىعى مەن ٷشاۋىسىمدى ايتارلىقتاي شەشۋگە مٷمكٸندٸك بەردٸ. بٷگٸندە 3 مىڭعا جۋىق مەكتەپ بٸر اۋىسىمدا, ال 4,9 مەكتەپ ەكٸ اۋىسىمدا جۇمىس جاساۋدا. 2025 جىلى تاعى 300 مىڭ ورىندىق 200 مەكتەپتٸڭ سالىنۋى جوسپارلانۋدا»,- دەپ حابارلادى قر وقۋ-اعارتۋ مينيسترلٸگٸنٸڭ رەسمي ٶكٸلٸ مەرەكە امانگەلدٸقىزى.
كەلەسٸ قادامداردىڭ بٸرٸ مەكتەپ ينفراقۇرىلىمدارىن بٸرىڭعاي فورماتقا كەلتٸرۋ بولماق. ول ٷشٸن مەملەكەت باسشىسىنىڭ تاپسىرماسىمەن 1300-گە جۋىق مەكتەپ رەنوۆاتسييادان ٶتەدٸ. ونىڭ ٸشٸندە 900 اۋىل مەكتەبٸ بار. بۇل جوبا ٷش جىلعا جوسپارلانعان جەنە توعىز باستى باعىت بويىنشا جٷزەگە اسىرىلادى. ونىڭ اياسىندا مەكتەپتەردٸڭ شاتىرلارى اۋىستىرىلادى, سىرتقى قاسبەتتەرٸ مەن تەرەزەلەرٸ جاڭارتىلادى, ينجەنەرلٸك كوممۋنيكاتسييا جەلٸلەرٸ كٷردەلٸ جٶندەۋدەن ٶتەدٸ. سونداي-اق مەكتەپ اۋماعى اباتتاندىرىلىپ, كٶگالداندىرىلادى.
