- زىريانوۆسكٸدە بەكٸتٸلگەن جوبا اياسىندا كوممۋنيكاتسييالاردى قايتا جٶندەۋدٸڭ ەكٸنشٸ كەزەڭٸ باستالدى. جۇمىسقا جوبا بويىنشا رەسپۋبليكالىق بيۋدجەتتەن 1,4 ميلليارد تەڭگە بٶلۋ كٶزدەلدٸ. ولار مونوقالالاردى دامىتۋ باعدارلاماسىن ٸسكە اسىرۋ اياسىندا جٷرگٸزٸلۋدە.
توزىعى جەتكەن جىلىتۋ كوممۋنيكاتسييالارىن اۋىستىرۋ جۇمىسى ٶتكەن جىلى باستالعان. ول كەزدە 400 مەتر قۇبىر جاڭارتىلدى. بيىل تاعى 300 مەتر جٶندەلۋدە. قازٸر ەسكٸ قۇبىرلار جٶندەلٸپ, جاڭاسى ورناتىلۋدا. جۇمىس 20 قىركٷيەكتە اياقتالادى, دەدٸ زىريانوۆسك اۋدانى ەكٸمٸنٸڭ ورىنباسارى اسحات بۇقاتوۆ.
ورناتۋعا ۋاقىتتى ٷنەمدەۋگە زاماناۋي تەحنولوگييالاردى پايدالانۋدىڭ سەپتٸگٸ تييۋدە. «بٸز دايىن وقشاۋلاندىرعىش قابىقشامەن پەنوپوليۋرەاتاندى قۇبىرلار ورناتامىز, - دەدٸ «ۆك تەحنوگرۋپپ» جشس جەتەكشٸ ينجەنەرٸ مەرەي سەبەتوۆ. - دايىنداۋشى زاۋىت 20 جىلعا كەپٸلدٸك بەرەدٸ».
زىريانوۆتىقتار جۇمىس مەرزٸمٸندە, ياعني 2017 جىلى اياقتالاتىنىن مەلٸمدەدٸ. جىلۋ جەلٸلەرٸن جٶندەۋ جىلۋمەن جابدىقتاۋ جٷيەسٸنٸڭ ساپاسىن جاقسارتۋعا, جەلٸلەردەگٸ شىعىندى ازايتۋعا مٷمكٸندٸك بەرەدٸ.
