20 شٸلدەدە ەل اۋماعىنىڭ باسىم بٶلٸگٸندە ٶتكٸنشٸ جاڭبىر جاۋادى, تەك وڭتٷستٸك پەن باتىستا كٷن اشىق بولادى, دەپ حابارلايدى "ۇلت اقپارات" قازگيدرومەتكە سٸلتەمە جاساپ.
قوستاناي, كٷندٸز اقمولا, سولتٷستٸك قازاقستان وبلىستارىنىڭ كەي جەرلەرٸندە كٷن كٷركٸرەيدٸ, جەل 15-20 م/س كٷشەيەدٸ, بۇرشاق جاۋۋى ىقتيمال. الماتى, اقتٶبە, كٷندٸز شىعىس قازاقستان وبلىستارىنىڭ كەي جەرلەرٸندە كٷن كٷركٸرەيدٸ, جەلدٸڭ جىلدامدىعى 15-20 م/س جەتەدٸ.
قاراعاندى وبلىسىنىڭ كەي جەرلەرٸندە نايزاعاي ويناپ, داۋىل كٷتٸلەدٸ, بۇرشاق جاۋۋى ىقتيمال, كٷندٸز كەي جەرلەرٸندە جەل 15-20, ەكپٸنٸ 23 م/س.
پاۆلودار وبلىسىنىڭ كٷندٸز سولتٷستٸگٸندە نايزاعاي كٷتٸلەدٸ, جەل 18 م/س كٷشەيەدٸ, بۇرشاق جاۋۋى ىقتيمال. جامبىل وبلىسىنىڭ كەي جەرلەرٸندە جەلدٸڭ جىلدامدىعى 15-20 م/س جەتەدٸ, كٷندٸز كەي جەرلەرٸندە كٷن كٷركٸرەپ, داۋىل تۇرۋى مٷمكٸن.
تٷركٸستان وبلىسىنىڭ كٷندٸز كەي جەرلەرٸندە نايزاعاي, شاڭدى داۋىل كٷتٸلەدٸ, جەل 15-20 م/س كٷشەيەدٸ. قىزىلوردا وبلىسىنىڭ كەي جەرلەرٸندە جەل تۇرىپ, جىلدامدىعى 15-20 م/س جەتەدٸ.
كٷندٸز اقمولا, قوستاناي, الماتى, جامبىل, تٷركٸستان, قىزىلوردا, شىعىس قازاقستان وبلىستارىندا, قاراعاندى وبلىسىنىڭ وڭتٷستٸگٸندە قاتتى ىستىق ساقتالادى.
اتىراۋ, باتىس قازاقستان, اقتٶبە, ماڭعىستاۋ وبلىسىندا اپتاپ ىستىق جالعاسادى.
اتىراۋ, اقتٶبە, قىزىلوردا وبلىستارىندا, باتىس قازاقستان, جامبىل وبلىستارىنىڭ باسىم بٶلٸگٸندە, تٷركٸستان, قاراعاندى وبلىستارىنىڭ كەي جەرلەرٸندە, الماتى وبلىسىنىڭ باتىسىندا جوعارى ٶرت قاۋپٸ ساقتالادى.
