فوتو: offside.kz
15 جاستاعى قازاقستاندىق فۋتبولشى كەرٸم مەڭدٸقانوۆ يسپانييانىڭ ەيگٸلٸ FC Barcelona كلۋبىمەن كەلٸسٸمشارتقا قول قويدى, دەپ حابارلايدى Ult.kz.
جاس تالانت كەلەسٸ ماۋسىمنان باستاپ كاتالونييالىق كوماندانىڭ جٷيەسٸنە رەسمي تٷردە قوسىلادى. وسىلايشا, ول “بارسەلونامەن” كەلٸسٸمشارت جاساعان العاشقى قازاق فۋتبولشىسى اتانعالى وتىر.
كەرٸم مەڭدٸقانوۆ 2011 جىلى دٷنيەگە كەلگەن. ول يسپانيياعا 2022 جىلى كٶشٸپ بارىپ, سودان بەرٸ جەرگٸلٸكتٸ فۋتبول جٷيەسٸندە جاتتىعىپ كەلەدٸ.
ٶتكەن ماۋسىمدا جاس ويىنشى ايماقتىق ليگادا Cerdanyola FC ساپىندا ٶنەر كٶرسەتسە, بيىل Sant Cugat FC كلۋبىنا اۋىسىپ, كوماندانىڭ كٶشباسشىلارىنىڭ بٸرٸنە اينالعان. دەل وسى كەزەڭدە ونى ٸرٸ كلۋبتاردىڭ سكاۋتتارى بايقاپ, نەتيجەسٸندە “بارسەلونا” ٶز قاتارىنا شاقىردى.
