11 жел, 2024 сағат 17:07

Жаңа жылды қарсы алуға арналған ТОП-7 жылы ел

Фото: visit-crimea.com

Жаңа жылды жарқын әсерлермен бастаудың тамаша тәсілі – теңіз жағасында қарсы алу. Жаңа жылды жылы жерде, теңіздің жағасында қарсы алғанды құп көретіндерің саны күннен күнге артып келеді. «Туристік Қамқор» корпоративтік қорының мәліметінше, 1 қаңтардан 1 желтоқсанға дейін Қазақстаннан шетелге 1 002 802 турист кеткен. Ал өткен 2023 жылы бұл көрсеткіш 794 194 адам болған. Дегенмен бұл сандар тек турфирмалар арқылы пакет турларын таңдаған туристерді қамтитынын ескеруіміз керек.

Жаңа жылға да жақын қалды. Осы орайда Ult.kz тілшісі «Қыста теңізге қайда бару керек?», «Қандай танымал жағажай бағыттары теңіз жағалауындағы жайлы демалысты ұсынады?», «Демалыста қай жылы елдерге ұшу керек?» деген сияқты сұрақтардың жауабын іздеп көрді. Материалды дайындауға тур агенттіктің менеджері Гауһар Смаилованың ақпараттық деректерін қолдандық.

Фото: ingos.ru

Египет

Мысыр күнтізбесінде 31 желтоқсанда Жаңа жыл саналмайды. Бірақ бұл ел туристердің сұранысын жерге қалдырмайды. Туристердің бұл мерекені тойлауға деген құлшынысына түсіністікпен қарап, өздері де іс-шараларға қуана қатысады.

Бүгінде Египеттегі қонақүйлер, соның ішінде Хургада, Шарм-эль-Шейх, Каир, Луксор және Асуан мерекеге мұқият дайындалып жатқаны байқалады. Сәндік шыршалар орнатылған, бөлмелер мерекелік шамдармен безендірілген, жергілікті ойын-сауық пен түні бойы би кештері ұйымдастырылады. Тіпті пирамидалар мен храмдарда да жарық шоулары бар.

Қаңтар айындағы Египеттегі ауа райы аптап ыстыққа шыдамағандардың көңілінен шығады. Ауа температурасы +25 градус шамасында, теңізде - 20 градус шамасында. Кешкі серуендер үшін жылы киімдерді (курткалар, жемпірлер, джинсы шалбарлар) ала шықсаңыз, артықтық етпейді.

28 желтотқсаннан бастап бұл елде демалу бағасы 1 адамға 450 000 теңге болып тұр.

Фото: b24.am

Дубай, БАӘ

БАӘ-де жаңа жылдық мерекелер кезінде сіз теңізде демалып қана қоймай (температура +24...27 градус), сонымен қатар бүкіл әлемге танымал елдің сұлулығы мен ғажайыптарын тамашалай аласыз. Әмірліктердегі талғампаз туристер үшін Руб әл-Хали шөлінде Жаңа жылды тойлау мүмкіндігі бар.

Дубай жаңа жылды қарсы алушы туристерді жарқыраған гирляндалармен, мерекелік шамдармен және керемет отшашумен қарсы алады. Жаңа жыл қарсаңында сауда орталықтары сатылымдар ұйымдастырып, миллиондаған сатып алушыларды тартады. 31 желтоқсанда мейрамханалар кәсіби әртістердің қатысуымен бағдарламалар ұйымдастырады, ал түнгі клубтар мен жағажай кештері әлемнің түкпір-түкпірінен танымал диджейлердің музыкасымен билейді. Керемет отшашулар да осында болмақ.

Дубайдан бөлек, Рас әл-Хайма, Шарджа және Фуджейраға сәл арзанырақ турлар табуға болады.

Жалпы Дубайға Алматыдан тур бағасы 1 адамға 500 000 теңге. Бұл 28 желтоқсаннан қаңтардың 20-сына дейінгі баға.

Фото: ht.kz

Мальдив аралдары

Мальдив аралдарында Жаңа жыл арал стилінде тойланады: шорт, жеңіл көйлек, ыңғайлы аяқ киім және тіпті жалаң аяқ жүре аласыз. Жергілікті тұрғындар жаңа жылды әдетте, жағажайда барбекю жасау арқылы тойлайды. Егер жергілікті тұрғындармен бірге қарсы алуды қаласаңыз, демалу үшін елді мекендерді таңдаған дұрыс.

Курорттық аралдардағы Жаңа жыл қарсаңында жиі күннің батуы коктейль кештері, мерекелік кешкі ас және ойын-сауық, үлкен отшашулар, диджейлер мен жағажай бар билері кіреді. Кеш келесі күні жанды музыка сүйемелдеуімен халықаралық тағамдардың бай таңдауынан тұратын таңғы аспен жалғастыра аласыз. Немесе балық аулауға немесе су астына экскурсияға баруға, ашық мұхиттағы дельфиндерді тамашалауға, серфингке баруға, су астындағы 5 метрлік мейрамханада тамақтануға немесе жай ғана толқындардың дыбысын тыңдап, СПА-да демалуға болады.

Ауа температурасы күндіз: +28-30 градус. Түнде ауа температурасы әдетте 27 градустан төмен түспейді. Судың температурасы: +28-29 градуста сақталады.

28 желтотқсаннан бастап бұл елде демалу бағасы 1 адамға 795 000 теңге.

Фото: .tutu.ru

Тайланд

Таиланд жағажайларын қонақжайлылығы, тамаша ауа-райы және қол жетімді бағалары үшін бұрыннан бағаланатын ел. Таиландта Жаңа жылды тойлаудың негізгі артықшылықтары тыныш ауа райы, таза теңіз, көптеген жағажайлар, жарқын, көңілді шоулар мен бай экскурсиялық бағдарлама екені белгілі.

Таиландта жалғыздықты жақсы көретіндер де, көңілді және шулы компанияларды ұнататындар да өзін жайлы сезіне алады. Біріншілері халқы аз Тайланд аралдарын таңдаса, екіншісі ірі туристік кешендерде көңіл көтереді.

Таиландтағы қыс айлары ең жоғары сұраныстағы маусым болып табылады, сондықтан алдын-ала брондау қажет. 24-25 желтоқсанда рейспен Тайландқа турды сатып алған дұрыс, үнемдеу 50% дейін жетуі мүмкін. 27-ден кейін құны күрт өседі.

Мәселен, 28 желтоқсаннан кейін 1 адамдық тур бағасы 639 000 теңге.

Фото: Shutterstock

Шри-Ланка

Шри-Ланкада Жаңа жыл дәстүрлі мереке емес, жағажайда отшашу бар жағажай кештері дайындалып жатқанымен, аралдың ішкі бөлігінде жаңа жылдық көңіл-күй сезілмейді. Джинигатендегі ағаш үйінде болғанда, сіз бұлыңғыр тропикалық орман шыңдары, таулар мен сарқырамаларын ғана тамашалай аласыз.

Бұл жаңа жылға арналған мекерелік емес, таза тән мен жанның рахатына арналған демалыс болады деп сенеміз.

Алматыдан Шри-Ланкаға 1 адамдық тур бағасы 28 желтоқсаннан кейін 593 000 теңге.

Фото: welcometimes.ru

Бали

Балиде Жаңа жыл екі рет тойланады: Григориан күнтізбесі бойынша (31 желтоқсан) және Балилықтар бойынша наурызда – Ньепи мерекесі. 31 желтоқсанда жағажайлар мен клубтарда кештер, отшашу мен таңға дейін би билейді, мейрамханаларда түскі ас, сондай-ақ қонақүйлерде мерекелік іс-шаралар өтеді. Бұл уақытта аралдағы температура жылы, шамамен +30 ° C, бірақ жаңбырлы маусым болуы мүмкін.

Мерекенің ең танымал орындары - Кута, Семиняк және Канггу, олар отшашу мен жанды музыкамен кештер ұйымдастырады. Сұраныс жоғары болғандықтан алдын ала брондау ұсынылады.

28 желтоқсаннан кейін 1 адамдық тур бағасы 800 000 теңге.

Фото: ht.kz

Гоа

Гоадағы Жаңа жыл еуропалық дәстүрлер мен үнді дәмінің қоспасы. Туристер жағажай кештерін, отшашуларды, жанды музыканы және мұхиттағы шоуларды тамашалай алады. Анджуна мен Бага жағажайларында тіпті қайнайтын уақыт. Гоада жаңа жылдық арнайы бағдарламалар ұсынатын көптеген барлар мен мейрамханалар бар.

Гоадағы Жаңа жылдың басты артықшылығы – жылы шуақты ауа-райы және теңіз жағасындағы тыныш демалыс атмосферасы.

Мұндағы демалыс бағасы 1 адамға 400 000 теңге.

Ескерту: Тур бағалары тек 28 желтоқсан мен 20 қаңтар аралығындағы бағалар бойынша жазылды. Оған дейінгі және одан кейінгі уақыттарда баға әртүрлі болып құбылуы мүмкін.

Ақбота Мұсабекқызы