Танымал қазақстандық журналист Зейін Әліпбек Қазақстан Республикасы Ұлттық музейі директорының кеңесшісі болып тағайындалды, деп хабарлайды "Ұлт ақпарат" ҚР Мәдениет және спорт министрлігінің баспасөз қызметіне сілтеме жасап хабарлайды.
Зейін Әліпбеков 1973 жылы дүниеге келген. Әл-Фараби атындағы Қазақ Ұлттық Университетін тәмамдаған.
Танымал қазақстандық журналист түрлі жылдары «Жеті күн» ақпараттық-аналитикалық бағдарламасының жүргізушісі және шеф-редакторы, «Бетпе-бет» және «Yкімет пен әлеумет» бағдарламаларының шығарушы редакторы, «Хабар» агенттігі» АҚ «Хабар» телеарнасының ақпараттық-аналитикалық бағдарламалар дирекциясының директоры, «Хабар» агенттігі» АҚ «Білім және Мәдениет» телеарнасы директорының орынбасары, «Астана ақшамы» газетінің редакциясы» ЖШС бас редакторы-директор орынбасары, «Елорда ақпарат» ЖШС директорының кеңесшісі, ҚР вице-премьері-ҚР ауыл шаруашылығы министрінің кеңесшісі, А.И. Бараев атындағы астық шаруашылығы ғылыми-өндірістік орталығының бас директорының кеңесшісі қызметтерін атқарды.
Қазақстан Республикасы Президентінің бұқаралық ақпарат құралдары саласындағы грантының, «Қазақстан Республикасының Тәуелсіздігіне - 20 жыл» мерейтойлық медалінің, ҚР Мәдениет және ақпарат министрлігінің «Мәдениет қайраткері» төсбелгісінің иегері.
2368 рет оқылды
