2021 жылдың ақпан айынан бастап елімізде халықтың жекелеген топтарын коронавирус инфекциясына қарсы екпе салу кезеңдері басталады. Бұл туралы бүгін ОКҚ-да өткен баспасөз мәслихатында Денсаулық сақтау бірінші вице-министрі Марат Шоранов мәлімдеді, деп хабарлайды ҚазАқпарат.
Оның айтуынша, бірінші кезекте медицина қызметкерлері, әсіресе жұқпалы аурулар ауруханаларының, жедел медициналық жәрдемнің, сондай – ақ басқа да бейіндегі қызметкерлер; екінші кезеңде педагогтар мен күш құрылымдарының қызметкерлері наурыз айында; үшінші кезеңде, студенттер сәуірден бастаса, мамыр айында вакцина көлемінің жеткілікті болуына қарай халықтың қалған контингенті қамтылады.
Айта кету керек, вакцинация 18 жасқа толмаған балаларға салынбайды.
КВИ-ға қарсы вакцинациялау 6 млн адамды қамти отырып, осы жылдың соңына дейін жалғасады деп жоспарлануда.
Сонымен қатар, бірінші вице-министрдің айтуынша, вакцинациялауға профилактикалық егуге қарсы көрсетілімдері жоқ адамдар жіберіледі.
«Вакцинация жүргізер алдында дене температурасы өлшенеді, эпидемиологиялық анамнезді жинау, сатурацияны, жүрек жиырылуының жиілігін, артериялық қысымды өлшеу, тыныс алу және жүрек-қантамыр жүйесін аускультациялау және жұтқыншақты тексеру шаралары жасалады. Егер температура 37°C-тан асса, вакцинация кейінге қалдырылады», - дейді Марат Шоранов.
684 рет оқылды
_140_110.webp)
