Мексикалық боксшы Сауль Альварес Геннадий Головкинмен өтетін жекпе-жекке дайындық барысында оған Дүнижүзілік антидопингтік агенттік өкілдерінің қанша мәрте келгені туралы айтты, деп хабарлайды Sports.kz.
«Альварестің бағамдауынша, VADA соңғы ай ішінде боксшыны шамамен 15-20 рет тексерістен өткізген», - деп жазады Los Angeles Times газетінің журналисі Дилан Эрнандес.
Еске салайық, ақпан айында «Канело» кленбутеролға жасалған допинг-сынамадан екі рет өтпей қалып, жарты жылға бокстан шеттетілген еді. Салдарынан боксшының 5 мамырға Головкинмен жоспарланған қарымта кездесуі болмай қалды.
Дегенмен, боксшылар 15 қыркүйекте қайта кездесетін болды. Ол уақытқа дейін мексикалық спортшының жарысқа қатысу құқығы қайтарылатын болады. Дисквалификациялау мерзімі 17 тамызда аяқталады.
1802 рет оқылды
