08 қаз, 2020 сағат 09:53

УЕФА Ұлттар лигасының топтық кезеңін қайдан көруге болады?

«Qazaqstan» және «Qazsport» телеарналары УЕФА Ұлттар лигасының топтық кезеңінің қазан айындағы матчтарын көрсетеді, деп хабарлайды "Ұлт ақпарат".

УЕФА Ұлттар лигасының топтық кезеңі аясында Қазақстан құрамасы 11 қазан күні Алматыда Албаниямен кездеседі. Ал 15 қазанда Минскіде Беларусь құрамасымен ойнайды. Қыркүйек айындағы ойындарда жерлестеріміз Литвадан басым түсіп, беларустардан 1:2 есебімен ұтылған болатын.

Қазақстан құрамасы үш ұпаймен С дивизионының төртінші тобында көш бастап келеді. Екінші орында - Албания, үшінші орында - Беларусь. Төрттікті Литва түйіндеп тұр.

2020/21 УЕФА Ұлттар лигасының топтық кезеңіндегі қалған ойындар 10/11 және 13/14 қазан, 14/15 және 17/18 қараша күндері өтеді.

«Qazaqstan» телеарнасынан көрсетілетін ойындардың кестесі:

10 қазан - Укарина – Германия. Уақыты: 00:35;

11 қазан - Франция – Португалия. Уақыты: 00:35;

13 қазан - Германия - Швейцария. Уақыты: 00:35;

14 қазан – Беларусь - Қазақстан. Уақыты: 00:35;

«QAZSPORT» телеарнасынан көрсетілетін ойындардың кестесі:

10 қазан - Лихтенштейн- Гибралтар. Уақыты: 21:55;

10 қазан - Испания – Швейцария. Уақыты: 00:35;

11 қазан - Қазақстан – Албания. Уақыты: 18:55;

11 қазан - Англия – Бельгия. Уақыты: 21:55;

11 қазан - Ресей - Түркия. Уақыты: 00:40;