Фото: ашық дереккөз
TikTok Қазақстанда #нетамашалаймыз атты ауқымды бастаманы іске қосты. Бұл жоба жергілікті киноиндустрияны қолдауға бағытталған және қазақ киносының дамуына серпін беріп, оны қалың көрерменге жақындатуды көздейді. Бастаманы жетекші продюсерлік студиялар мен танымал кино қайраткерлері қолдады, деп хабарлайды Ult.kz.
TikTok кино туралы контенттің негізгі орталығына айналды; тек #whattowatch хэштегі бойынша өткен жылы жарияланымдар саны 4.7 миллионнан асты, ал #кино және #сериалдар хэштегтері 4 миллионнан астам жарияланым жинады. Бұл платформа тек кино көруге шабыттандырып қана қоймай, жанкүйерлердің субмәдениеттерін қалыптастырып, киноиндустрия ойыншыларына өз аудиториясымен тікелей байланыс орнатуға мүмкіндік береді.
#нетамашалаймыз жобасы жергілікті кино орталыққа айналып, кино өндірушілерге өз аудиториясына жақын болуға, ал пайдаланушыларға жаңа кино жаңалықтарын жасауға және пікірлестер шеңберін кеңейтуге арналған. Бұл бастаманы Salem Entertainment, Clover Street Production, Tiger Films және «Кинопоиск» сияқты нарық ойыншылары қолдады. Сондай-ақ, актерлер мен контент авторлары, мысалы, Олжас Нұрбай, Роберт Кун, Салтанат Құдайбергенова, Жандос Динасылов және Индира Ерденова қатысуда.
Жоба аясында қосымшада авторлардың үздік кино шолулары, алдағы премьералар туралы эксклюзивті материалдар, сондай-ақ танымал кино қайраткерлерінің контенті жинақталған арнайы бет қолжетімді. Пайдаланушылар 30 маусымға дейін байқауға қатысып, жүлделер ұтып ала алады. Ол үшін #нетамашалаймыз хэштегімен кино немесе телехикаялар туралы ұзақтығы 10 секундтан асатын бейнелерді жариялау қажет.
Шығыс Еуропа мен Орталық Азиядағы TikTok Операциялық бөлімінің басшысы Мелис Чаглардың айтуынша, бұл бастама қазақстандық көрермендер мен киноиндустрия арасындағы ашық және шабыттандыратын диалогқа үлкен қадам болып табылады, сонымен қатар пайдаланушыларға жаңа фильмдер мен сериалдарды ашуға және пікірлес адамдар шеңберін кеңейтуге көмектеседі.
857 рет оқылды
 (1)_140_110.jpg)
