Қазақстандық Дмитрий Попко Бразилиядағы Кампинас челленджер турнирінің ширек финалына шықты, деп хабарлайды "Ұлт ақпарат".
Әлемнің 172-інші, осы доданың 8-ракеткасы Д.Попко екі кездесуін сәтті өткізді.
Алғашқы айналымда қазақстандық теннисші үш сағаттан астам уақытқа созылған тартысты бәсекеде рейтингте 376-орында тұрған аргентиналық Тиаго Аугистин Тирантені 5:7, 7:5, 6:2 есебімен ұтты.
Екінші айналымда әлемнің 196-ракеткасы, бразилиялық Жоан Менезешті 6:2, 7:5 есебімен тізе бүктірді. Бұл матч 1 сағат 37 минутқа созылды.
Д.Попко жартылай финалға шығу үшін әлемнің 117-інші, турнирдің 4-ракеткасы, колумбиялық Даниэль Элахи Галан Ривероспен таласады.
Кампинас қаласындағы жарыс 6 желтоқсан күні мәреге жетеді.
634 рет оқылды
