Белгілі ресейлік әртіс және тележүргізуші Лариса Гузеева жексенбі күні ауруханаға түсті, деп хабарлайды Sputnik порталы "Комсомольская правда" басылымына сілтеме жасап.
Әртіс Коммунаркадағы №40 Мәскеу қалалық клиникалық ауруханасына жеткізілді. Басылым дереккөзінің ақпаратынша, Гузеева COVID-19-ға қарсы тест тапсырған, алайда анализ теріс нәтиже көрсетті.
Қазір тележүргізуші палатада жатыр, дәрігерлер оның жағдайын тұрақты деп бағалауда. Басылымның мәліметінше, ол қатты күйзеліске ұшыраған, дәрігерлер оған тыныштандыратын дәрі берді. Танымал жұлдыздың ауруханаға қандай диагнозбен түскені әзірге белгісіз.
Жексенбі таңертең Гузеева Instagram-ға Қырымда түскен суретін жариялаған еді. Әртіс өз фанаттарына жергілікті клиникалардың бірінде косметикалық процедуралар қалай өтетінін көрсетті.
1175 рет оқылды
