Мемлекеттік комиссияның шұғыл штабы Шымкент қаласында коронавирус инфекциясын жұқтырған 5 адам туралы мәлімет жариялады, деп хабарлайды "Ұлт ақпарат".
Вирус жұқтырған 1996, 1993, 1967 жылы туған ер және 1991, 1966 жылы туған әйел адамдар өздеріне дейін вирусты жұқтырған адамдармен қарым-қатынаста болған, карантиндік стационарға жатқызылып, зертханалық сынама алынған.
ПТР диагностикалық зерттеу қорытындысы COVID-19 диагнозын нақтылады.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Олармен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында дезинфекциялық жұмыстар жүргізілуде.
25 сәуірдегі жағдай бойынша қалада COVID-19 коронавирус инфекциясын жұқтырған 146 адам анықталды.
1043 рет оқылды
