15 там, 2016 сағат 12:33

Шинжияң: Моргу тауынан жартас суреттері табылды (Эксклюзив)

"Қытайдың Мори Қазақ автономиялы ауданы Чижыр қалашығы Шүймөгу қыстағы аудан қалашығынан 35 километр шалғайға орналасқан. Осы қыстаққа қарасты Моргу тауынан жартас суреттері байқалды", – деп хабарлайды Baq.kz тілшісі.

«Осы тарихтың айшықты белгісін көруді көптен армандай жүріп, жуықта ғана қыстақ тұрғыны Ганиұшиынның бастауында теңіз деңгейінен 2000 метр биіктегі тау жотасына шығып, арнаулы суретке түсірдім. Бұл суреттердің барлығы көшпенді ұлттардың байырғы тарихи мәдениетін бейнелейтін айшықты белгісі» – деп жазады фотограф Жанәбіл Бағдаулетұлы.

Жартастағы суреттердің барлығы тау жотасына таяу биктегі тастарға ойып қашалған, бейнесі айқын. Көбінде сол дәуірдегі адамдардың аң аулаған бейнесі, арқар-бөкендердің, тау ешкілердің бейнесі, түйе мінген адам бейнесі, бидай қауашағы суреті қатарлы бейнелерден құрлған.

Сонымен қатар, көне суреттер мен жазулардың барлығы мал шаруашылғымен шұғылданған көшпенді тұрмысты дөп басып бейнелейді. Бұл жалпы, батыс қытайдағы жартас суреттернің тағы бір шоғыры есептеледі. Тереңдей зерттеуді қажет ететін бұл жаңалық – адамзат мәдениетінң асыл жауһары, бағалы тарихи байлығы болмақ.