Ресейлік 40 жастағы блогер Виталий Выграновский 40 күндік аштықтан кейін Абхазияда қайтыс болды, деп хабарлайды "Двач/Ньюсач" Telegram каналы.
Ол көптен бері ағзасын аштықпен сынап, тамақсыз 40 күндік марафон өткізгісі келген. Алайда ол аштықты дәрігердің бақылауынсыз жүргізген.
Блогер аштық марафонын наурыздың ортасында Мәскеуде бастайды. Он күннен кейін оны қаланың қарбаласы шаршатып, Абхазияға кетеді.
20-шы күні блогер өзінің "толық тазарғанын" айтады. Дегенмен осы уақыттың өзінде ол қатты арықтап, бұлшық еттері жоғалып, денесі салбырап кеткен еді. Оның физикалық белсенділігі азайып, тек жүре алатын хәлге түседі, деп жазады lenta.ru.
Марафонның 30-шы күні ер адамның ыстығы көтерілді. 35-ші күні ол өзінің блогында өлімнің жақындап қалғанын сезетінін айтады, бірақ аштықты тоқтатпады.
Марафонның қырқыншы күні блогер көз жұмды.
869 рет оқылды
