Рамазан айында елорда мешіттерінде кешкі намаз жамағатсыз оқылады. Сондай-ақ имамдар ауызашарға қонақ шақырудан бас тарту қажет деген пікірде, деп хабарлайды Нұр-Сұлтан қаласы әкімдігінің ресми сайты.
Төтенше жағдай және карантин режиміне байланысты Рамазан айы мерекесі кезінде қоғамдық қауіпсіздікті қамтамасыз ету мақсатында мешіттерде дәстүрлі кешкі тарауық намаздары, ауызашарлар уақытша тоқтатылады.
Қазақстан мұсылмандары діни басқармасының ресми парақшаларында мешіт имамдарының қатысуымен Құран оқу бойынша және Рамазан айының басқа да шараларының онлайн-трансляциялары өтеді. Пітір садақаны Kaspi.kz қосымшасы арқылы жолдауға болады. 2020 жылы пітір садақаның жан басына шаққандағы мөлшері – 370 теңге болды.
Пітір садақаны дұрыс жолдау нұсқаулығымен Қазақстан мұсылмандары діни басқармасының ресми парақшасында (muftiyatkz), Нұр-Сұлтан қаласының Дін мәселелерін зерттеу орталығының парақшасында (elorda_cipr) немесе 33-30-30 сенім телефоны арқылы танысуға болады. 2020 жылы Рамазан айы мерекесі 24 сәуір мен 23 мамыр аралығында өтеді.
1099 рет оқылды
