COVID-19 вирусын Павлодар қаласының 2 тұрғынының жұқтырғаны анықталды, олардың бірі 1970 жылы туған әйел адам және кәмелет жасына толмаған 2009 жылғы қыз бала. Ал қалған екеуі - Екібастұз қаласының тұрғындары, олар - 1972 жылғы әйел және кәмелет жасына толмаған 2010 жылғы ұл бала, деп хабарлайды Мемлекеттік комиссияның шұғыл штабы.
3 науқас өздеріне дейін коронавирус инфекциясын жұқтырған адамдармен қарым-қатынаста болған.
1972 жылғы әйел адам пневмония диагнозымен провизорлық бөлімшеге жатқызылған, COVID-19-дың ағзада бар-жоғын анықтауға алынған талдау (20.04.2020 ж.) вирустың жұқтырылғанын көрсетті.
Барлығының қарым-қатынас жасаған ортасы анықталып жатыр, оларды оқшаулау жұмыстары жүргізілуде. Эпидемияға қарсы іс-шаралар қолға алынған.
20 сәуірдегі жағдай бойынша Павлодар облысында коронавирус инфекциясын жұқтырған 30 адам тіркелді.
920 рет оқылды
