Павлодар облысында коронавирус инфекциясын төрт адам жұқтырған, деп хабарлайды Мемлекеттік комиссияның шұғыл штабы.
COVID-19 Екібастұз қаласының 3 тұрғынынан табылды, олар: 1984 жылғы әйел адам, сондай-ақ 2003 жылы туған және 2012 жылғы кәмелет жасына толмаған қыз балалар.
Сонымен қатар, 1966 жылғы Павлодар қаласының тұрғынында COVID-19 коронавирус инфекциясы анықталды.
Екібастұз қаласының үш тұрғыны бұған дейін COVID-19 вирусы анықталған адамдармен қарым-қатынаста болған.
2020 жылғы 23 сәуірде 1966 жылғы Павлодар қаласының тұрғыны жедел жәрдемге хабарласып, дене қызуының жоғары екендігін, өзін әлсіз сезініп тұрғанын айтты. COVID-19-ға талдау сынама алынған, 2020 жылғы 24 сәуірде коронавирус инфекциясын жұқтырғаны белгілі болды.
Науқастармен қарым-қатынаста болған адамдарды анықтап, оқшаулау жұмыстары жүргізілуде. Эпидемиологияғы қарсы іс-шаралар қолға алынған.
Бүгінгі сағат 09:30-дағы жағдай бойынша Павлодар облысында коронавирус инфекциясымен ауырған 62 адам тіркелді.
724 рет оқылды
