Орал қаласында тоғыз жасар бала үш күн ішінде екі көлікті айдап әкетіп, екі рет жол апатына ұшыраған. Балақай Toyota микроавтобусын 9 тамызда кешкі уақытта айдап әкетті, деп хабарлайды sputniknews.kz агенттігі "Мой город" басылымына сілтеме жасап.
Көлік иесінің айтуынша, автобусты көшеге тастап, досының үйіне қонаққа кірген. Біраздан соң үйіне қайтайын деп шықса, көлігі орнында жоқ, ер адам полицияға бірден хабар береді. Көлік иесі ескі машинаға ұрлықшылар назар аудармайтын шығар деп есігін жаппаған екен.
Біраз уақыт өткен соң полиция микроавтобустың табылғанын хабарлайды. Жас көлік ұрлаушы рөлге ие бола алмай, көпірдің бетон тіреуіне соғылған соң ұсталыпты.
Айтпақшы, полицейлер автоұрыны бірден танып қойды. Осыдан үш күн бұрын бала біреудің Suzuki көлігін ұрлап, жеңіл-желпі апатқа ұшыраған.
Алғашқы оқиғаның өзінде жеткіншектің әкесі қатты таңғалды, оның айтуынша, көлік ұрланғанан сәл бұрын баласы үйде көбейту кестесін жаттап отырыпты.
2068 рет оқылды
