ҚР Цифрлық даму, инновациялар және аэроғарыш өнеркәсібі министрлігі «Ashyq» қосымшасы міндетті шара емес екенін түсіндірді, деп хабарлайды "Ұлт ақпарат".
Бұған дейін БАҚ-та Нұр-Сұлтан және Алматы қалаларында пилоттық режимде «Ashyq» қосымшасын іске қосқандығы туралы ақпарат пайда болды.
Оның негізгі функциясы - қазақстандықтарды COVID-19 жұқтырудан қорғау және бизнеске шектеу шаралары кезеңінде жұмыс істеуге мүмкіндік беру.
Кейбір әлеуметтік желі қолданушылары бұл қосымша қазақстандықтардың конституциялық құқығын бұзады деген алаңдаушылық білдірді.
Қисынсыз жағдайларды болдырмау мақсатында қосымша міндетті шара емес, шектеу шаралары кезеңінде жұмыс істей алмайтын бизнес бағыттарына келушілерді қорғау құралы екенін атап өтеді.
Бизнес те, азаматтар да қосымшаны пайдалануға мәжбүр болмайды. Кейбір интернет қолданушылары атап өткендей, бұл дүкендерге, дәріханаларға, аулада немесе саябақта серуендеуге әсер етпейді.
Сонымен қатар, Оңтүстік Корея, Малайзия, Түркия, Греция, Кипр және т.б. елдерде ұқсас құралдар сәтті енгізілді және COVID-19 жұқтыру қаупін азайту үшін қолданылады.
Бүкіл әлемдегі бизнес саласы қиын кезеңдерді бастан өткеруде және жаңа шындыққа бейімделуге, шектеулермен жұмыс істеуге мәжбүр.
Халық та осы режимге бейімделуге және әдеттегі қызметтен бас тартуға мәжбүр. «Ashyq» бұл мәселелерді шешуге мүмкіндік береді.
Мәртебе ақпараттық жүйелермен салыстыру негізінде ПТР-зерттеулердің бірыңғай интеграциялық порталы және Қазақстан Республикасы Денсаулық сақтау министрлігінің COVID-19 бақылау орталығы беріледі.
699 рет оқылды
