Елордада өтіп жатқан «Ислам – мәдениет пен ізгіліктің бастауы» атты имамдардың IV республикалық онлайн-форумында ҚР Президенті Қасым-Жомарт Тоқаевтың атынан еліміздің бірқатар имамдары марапатталды, деп хабарлайды ҚазАқпарат.
«Бүгінгі форумда діни қайраткерлердің айтқан ойлары, идеялары мен шешімдері еліміздегі барша мұсылман қауымның қызығушылығын тудырады деген сенімдемін. Құрметті форумға қатысушылар!.
Қазақстан мұсылмандары діни басқармасының 30 жылдық мерейтойына орай мемлекеттік дін саласындағы саясатты көркейтуге қомақты үлес қосқан бірқатар мешіт имамдарын ҚР Президентінің атынан марапаттау қарастырылып отыр», - деді ҚР Мемлекеттік хатшысы Қырымбек Көшербаев форумда сөйлеген сөзінде.
Айта кетсек, Қазақстан мұсылмандары діни басқармасының 30 жылдық мерейтойына орай өтіп жатқан «Ислам – мәдениет пен ізгіліктің бастауы» атты имамдардың IV республикалық онлайн-форумына ҚР Президенті Қасым-Жомарт Тоқаев және ҚР Тұңғыш Президенті – Елбасы Нұрсұлтан Назарбаев құттықтау жолдаған болатын.
ҚР Президентінің атынан маратталған имамдар тізімі:
1. Бекайдар Әміре – Шымкент қаласының «Шейх Мұхаммед садық» мешітінің бас имамы;
2. Мырзабаев Кенжеәлі Қоңыратбайұлы – Алматы қаласының «Қалқаман» мешітінің бас имамы;
3. Аманқұлов Асылхан Өмірзақұлы – Алматы қаласының «Әл-Хамид» мешітінің бас имамы;
4. Сманов Әбдіжаппар Шәкірұлы – Түркістан облысының «Сарыағаш» медресе-колледжі директорының орынбасары;
5. Дәуренбеков Әбдімүтәлі Қайназарұлы – Ақтөбе қаласының «Ақтөбе» медресе-колледжінің директоры;
6. Құлмұхаммед Махамбет Пірманұлы – «Әбу Ханифа» медресе колледжінің директоры;
7. Рахымжан Сағынай Қабдулуахитұлы – «Ақниет» ақпараттық насихаттау және оңалту орталығы, теолог-кеңесші;
8. Тулешов Замир Қаратайұлы - «Ақниет» ақпараттық насихаттау және оңалту орталығы, бөлім басшысы.
1321 рет оқылды
