Мексика президенті Андрес Мануэль Лопес Обрадор жексенбі күні өзінің COVID-19-ға тапсырған тесті оң нәтиже көрсеткенін мәлімдеді. Ауру жеңіл өтуде. Мексика президенті өзінің ресми Twitter парақшасында емделіп жатқанын айтты, деп хабарлайды АР агенттігі.
«Өкінішке қарай, сіздерге COVID-19 жұқтырғанымды хабарлаймын. Симптомдары жеңіл, қазір емделіп жатырмын. Әдеттегідей, мен оптимистік көңіл-күйдемін», - деп жазды президент Twitter парақшасында.
Елдің денсаулық сақтау министрлігінің эпидемиологиялық жағдай жөніндегі бас директоры Хосе Луис Аломия Зегарра оның «үйде оқшауланғанын» және президентте аурудың жеңіл белгілері бар екенін айтты. Ішкі істер министрі Ольга Санчес Кордеро президенттің атынан әдетте екі сағат бойы үзіліссіз сөйлейтін күнделікті баспасөз конференциясына қатысады.
Елде COVID-19-дан 150 мыңға жуық өлім және 1,7 миллионнан астам ауру жұқтыру жағдайы тіркелген. Өткен аптада елде коронавирусқа шалдығу мен өлім жағдайларының ең жоғары деңгейі тіркелді.
829 рет оқылды
