Биыл еліміздің Тәуелсіздігіне 30 жылдығына орай халық қалаулылары ел-жерді аралап, түрлі кездесулер ұйымдастыруда. Сондай кездесудің бірі Талдықорған қаласында өтті, - деп хабарлайды «Ұлт ақпарат».
Қазақстан Республикасы Парламенті Мәжілісінің депутаты Вакиль Набиев Алматы облысына келіп, облыстық Қазақстан халқы Ассамблеясының мүшелерімен, этномәдени бірлестіктердің, аналар және Қоғамдық келісім кеңестерінің өкілдерімен, «Жаңғыру жолы» облыстық штабының белсенділерімен кездесті.
«Тәуелсіздігіне енді ғана 30 жыл толып отырған жас мемлекетіміз көптеген ұлттарды бір шаңырақ астына сыйдырып отырғаны баршамызға мәлім. Береке-бірлігі жарасып, ынтымағы артқан ел тұрғындары бүгінде қуанышты да, қиындықты да бірге еңсеріп келеді. Бүгінгі біздің басты мақсатымыз - ұлтаралық және конфессияаралық келісімді, сондай-ақ, мемлекетіміздің барлық этностарының жалпыұлттық бірлігін одан әрі нығайту және сақтау бойынша ҚХА-ның белсенді жұмысын жалғастыру болып отыр», - деді Парламент Мәжілісінің депутаты Вакиль Набиев.
Аталған жиынды облыстық ішкі саясат басқармасы этносаралық қатынастар бөлімінің бас маманы Әбілхайыр Оралов жүргізіп отырды. Ол өз сөзінде тұғырлы Тәуелсіздігіміздің 30 жылдығын мерекелеу жер-жерде игі шараларға ұласып жатқанын жеткізіп, Тәуелсіздіктің жемісі болған Қазақстан халқы Ассамблеясы екенін айрықша атап өтті.
Ал ҚХА жанындағы өңірлік Қоғамдық келісім кеңесінің төрағасы Оралбек Жақиянов облыстық ҚХА-ның атқарып жатқан жұмысы және келешекке арналған жоспарлары туралы айтып, жоғарыдан қойылған міндеттерге сәйкес негізгі қызмет Жетісуда тұратын барлық этностардың татулығы мен келісімін сақтауға бағытталғанын атап өтті.
«Облыстық Ассамблея мүшелерінің әрбірі өзінше белсенді. Алматы облысы түрлі ұлт өкілдері көп тұратын аймақтың бірі. Біз бүгінгі кездесуде халық қалаулысы жиында айтылған барлық ұсыныс пен талап-тілекті жоғарыға жеткізуін сұраймыз. Ассамблеяның негізгі ықпалы мен мүмкіншілігін терең екені баршаызға мәлім. Сонымен қатар, , елдің стратегиялық бағыты тұрғындардың әл-ауқатын арттыру мен республиканың дамуына негізделген», - деді ҚХА жанындағы өңірлік Қоғамдық келісім кеңесінің төрағасы Оралбек Жақиянов.
Сонымен қатар, депутат Вакиль Набиев М.Тынышпаев атындағы облыстық тарихи-өлкетану мұражайы мен І.Жансүгіров атындағы әдеби музейін аралап, экспозициялармен танысып, мәдениет нысандарының қызметкерлерімен әңгімелесті. Бұдан кейін жастарға қызмет көрсету орталығының ғимаратында облыстық «Жаңғыру жолы» штабының белсенділерімен кездесіп, жиында жастарды Қазақстан халқы Ассамблеясына тарту мәселелері талқыланды.
«Өздеріңіз білесіздер, Қазақстан халқы Ассамблеясына елдің тұтастығы мен бірлігіне қызмет етіп отырған бірден бір мекеме. Сол үшін Ассамблея қатарына жастарды тарту маңызды екенін атап өткім келеді. Өйткені болашақ қазіргі жастардың қолында. Ең бастысы, бүгінгі жастар шетінен білімді, білікті, еңбекқор. Білім-ғылымға құштар жастың болашағы жарқын болмақ. Ал ондай азамат Ассамблея құрамында болса, елдің бірлігі де нығая түспек», - Қазақстан Республикасы Парламенті Мәжілісінің депутаты Вакиль Набиев.
Естріңізге сала кетейік, Биыл еліміздің Тәуелсіздігіне 30 жылдығына орай халық қалаулылары ел-жерді аралап, түрлі кездесулер ұйымдастыруда. Сондай кездесудің бірі Талдықорған қаласында өтті. Қазақстан Республикасы Парламенті Мәжілісінің депутаты Вакиль Набиев Алматы облысына келіп, облыстық Қазақстан халқы Ассамблеясының мүшелерімен, этномәдени бірлестіктердің, аналар және Қоғамдық келісім кеңестерінің өкілдерімен, «Жаңғыру жолы» облыстық штабының белсенділерімен кездесті.
1090 рет оқылды
