ҚР Ауыл шаруашылығы вице-министрі Гүлмира Исаева құс тұмауынан шығынға батқан шаруа иесінің өтемақы алу тәртібін түсіндіріп берді, деп хабарлайды ҚазАқпарат.
«Өтемақы алу тәртібі қарапайым: құсы қырылған шаруа иесі банктердің бірінен жеке шот ашады. Ал сол шаруа иесі тұратын аудан әкімдігінің ветеринарлық қызметі қырылған құстардың утилизациялық актісін береді. Осыдан кейін әкімдіктердің жанынан құрылған арнайы комиссия әр аймақ бойынша үй құсының (тауықтың немесе қаздың, үйректің) орташа бағасын шығарады. Осылайша, Эпизоотияға қарсы республикалық отряд тиісті мәліметтерді жинайды: мәселен жеке шаруа иесінің 10 бас құсы қырылса, онда сол аймақта белгіленген құстың орташа бағасы осы 10 құсқа көбейтіліп, шыққан сома үш күннің ішінде шаруа иесінің шотына түседі», - деді вице-министр бүгін ОКҚ-да өткен баспасөз мәслихатында.
738 рет оқылды
_140_110.webp)
