Аралас жекпе-жек шебері Қуат Хамитов украиналық Антон Радькомен жекпе-жекке шығады. Кездесу Атырауда өтеді.
Айта кетсек, Антон Радько аралас жекпе-жекте он екі кездесу өткізіп, алтауын нокаутпен аяқтаған.
Жекпе-жек маусым айына жоспарланған. Бұл туралы қазақстандық файтер Instagram-да хабарлады.
"Ресми! Антон Радько (12-6) vs Қуат Хамитов (20-6-1). MERGEN FIGHTING CHAMPIONSHIP. 19.06.21. Атырау",- деп жазды "Найман".
Әлеуметтік желі қолданушылары спортшының жаңалығынан кейін түрлі пікір білдірді. Көбі Хамитовке жеңіс тілеп жатыр.
22 қаңтарда Fight Nights Global: "Стальное сердце" турнирі аясында өткен жекпе-жекте Хамитов сенсация жасаған болатын. Отандасымыз ресейлік қарсыласы Максим Пантелеевті бірінші раундтың 49 секундында нокаутқа түсірді.
999 рет оқылды
