Бразилияның Сан-Паулу қаласында көппәтерлі 26 қабатты тұрғын үйде өрт шықты, - деп хабарлайды The Tribune.
Куәгерлер түсірген видеода үйдің төменгі он қабатында өрт шығып, терезелерді жалын шарпығанын көрінеді. Ғимарат опырылып, әуеге өрт пен күл тараған.
Әзірше тек бір адамның қаза болғаны және үш адамның із-түссіз жоғалып кеткені хабарланды. Куәгерлер өрт басталғанда көмекке шақырып, айғайлаған дауыстарды естігендерін айтады. Билік өкілдері құрбан болғандар саны әлдеқайда көп болуы мүмкін деп қауіптенеді.
Өрт басталғанда эвакуация ұйымдастырылған, алайда көпқабатты үйде қанша адам болғаны белгісіз, сол себепті барлығы эвакуацияланды деуге болмайды.
Негізінде осы үйге 50 отбасы тіркелген, ал бос пәтерлерді тұратын жері жоқ адамдар мекендеген.
Бразилиялық БАҚ өкілдері үйдің өртке дейінгі суретін жариялады. Онда үйдің жарты бөлігі бос тұрғанын байқауға болады.
4903 рет оқылды
