Қазақстан кәсіпқой футбол лигасы бірінші айналымның қалған турларының күнтізбесін жариялады, деп хабарлайды "Ұлт ақпарат" лига сайтына сілтеме жасап.
Сегізінші тур ойындары 11 және 12 қыркүйек күндері өткізіледі. 11 қыркүйекте «Жетісу» мен «Оқжетпес», «Шахтер» мен «Тараз», 12 қыркүйекте «Ордабасы» мен «Астана», «Тобыл» мен «Қызылжар», «Қайрат» пен «Қайсар» командалары кездеседі.
Бірінші айналымның соңғы туры 2 қазанға белгіленген. Ал 4 қазанда «Қайрат» пен «Астана» кейінге қалдырылған 6-тур ойынын өткізеді.
Қазақстандық командалардың еурокубок ойындарына қатысуына байланысты ойын күнтізбесінде бірқатар өзгерістер болуы мүмкін.
Естеріңізге сала кетелік, «Астана», «Қайрат» және «Қайсар» командалары 17 қыркүйекте Еуропа лигасы екінші іріктеу сатысында өз қарсыластарымен шеберлік байқасады .
Қазірге дейін барлығы 7 тур ойындары өтті. Көш басында келе жатқан «Қайраттың» 18 ұпайы бар. Одан кейінгі орындардағы «Қайсар» 13, «Астана» 11 ұпай еншілеген.
819 рет оқылды
