Қостанай облысында өртеніп жатқан үй ішінен сәби құтқарылды, деп хабарлайды "Ұлт ақпарат" облыстық ТЖД баспасөз қызметіне сілтеме жасап.
Ведомство мәліметінше оқиға бүгін сағат 11:00 шамасында Қостанай қаласындағы Чкалов көшесіндегі үйдің бірінде болған. Өрт сөндірушілер келген кезде пәтер ішіндегі жиһаздар жанып жатқан.
«Өрт 15 шаршы метр аумақты шарпыды. Сағат 11:34-те толықтай сөндірілді. Өртеніп жатқан үй ішінен бір сәби құтқарылды. Барлығы 12 адам эвакуацияланды. Оқиға орнына 4 техника жұмылдырылды. Өрт сөндірушілерді жүйелі іс-әрекетінің арқасында зардап шеккендер болмады» - делінген ТЖД-ның ақпараттық хабарламасында.
Өрттің нақты себептері мен шығындары анықталуда. ТЖД тұрғындарға қауіпсіздік шараларын барынша сақтауға шақырады.
878 рет оқылды
