Латвияда карантин талабын бұзушыларға 5000 еуро төлеуге тура келеді. Бүгіннен бастап елде жарияланған локдаунға байланысты қатаң шектеулер енгізілді.
Бұл туралы ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның баспасөз қызметіне сілтеме жасап хабарлайды.
Осылайша, құқық бұзушы азаматтар әкімшілік тәртіппен 10-нан 2000 еуроға дейін, ал заңды тұлғаларға 140-тан 5000 еуроға дейін айыппұл салынуы мүмкін. Карантин 15 қарашаға дейін жалғасады. Елдің барлық мемлекеттік органдары антиковидтік шектеулердің сақталуына жауапты деп жарияланды. Сондай-ақ елде сағат кешкі 8-ден таңғы 5-ке дейін коменданттық сағат енгізілген.
Қазан айының соңынан бастап Албания тұрғындары COVID-19-дың күшейткіш вакцинасын ала алады. Бұл талап вакцинаны алты ай бұрын алғандарға қатысты. Албанияның иммундау жөніндегі комитетінің мүшесі, педиатр-дәрігер Аида Бушати үшінші доза негізінен халықтың осал топтары мен медициналық қауіп-қатер тобындағы адамдарға ұсынылады деп мәлімдеді. Вакцинация науқаны басталғаннан бері барлығы COVID-19-дан 1 842 661 инъекция жасалды. Сондай-ақ, педиатр 12 жастан асқан балаларға қатар жүретін аурулар болған кезде екпе алуды ұсынады.
1010 рет оқылды
