21 қаз, 2020 сағат 18:58

ҚХЛ: «Барыс» овертаймда «Йокериттен» жеңіліп қалды

Елордалық «Барыс» құрлықтық хоккей лигасында бүгін Финляндияның «Йокерит» командасын қабылдады, деп хабарлайды "Ұлт ақпарат".

Ойынның бірінші кезеңінде командалар бір-бірінің қақпасынан саңылау таба алған жоқ. Есесіне екінші кезең елордалық клуб үшін сәтті болды. Алдымен 24-минутта Егор Петухов «Барысты» алға шығарса, Аркадий Шестаков 36-минутта есепті үстемелей түсті.

Үшінші кезең де айдын иелеріне сәтті басталды. Елордалық хоккейші Якоб Лилья 41-минутта мергендік танытса, 43-минутта Линус Виддель қарсыластар қақпасын дәл көздеді.

Одан кейін «Йокерит» хоккейшілері үш шайба соғып кетті. Регин Петер 45, 53 минуттарда мергендік танытса, 52-минутта Кивиста Томми бір голдың авторы атанды. Ал 59-минутта Микко Лихтенен таразы басын теңестірді. Кездесу 4:4 есебімен тең аяқталды. Ойын овертаймға ұласты. Овертаймда «Йокерит» жеңіс шайбасын соқты.