«Қазгидромет» РМК басшысы Марат Қынатов ҚР ІІМ Төтенше жағдайлар комитетінің төрағасы Владимир Беккердің сынына жауап берді, деп хабарлайды ҚазАқпарат тілшісі.
М.Қынатовтың айтуынша, еліміздің Төтенше жағдайлар комитеті 2018 жылдан бері «Қазгидрометпен» бірге жыра, алқап, орман алқабтарын аралап шығу жұмыстарын қолға алған. Ал бұл бастаманы «Қазгидромет» көтеріп, ТЖК 4 ай өткеннен кейін ғана ортақ бұйрыққа қол қоюға келіскен.
«Синоптикалық болжам мәселелеріне қатысты айтар болсам, 31 наурызда Көкшетау қаласында 15 см емес, «Қазгидромет» болжамына сәйкес бірқалыпты, 4 мм аралас (жаңбыр, қар) жауын-шашын жауды. Жауын-шашын тек бір жерге жаумайды. Олар циклондардың ығысу траекториясы бойынша жауады. Диаметрі 500-3000 шақырымға жететін ауа райы жағдайын анықтайтын синоптикалық процестер циклон/антициклондардың ықпалына байланысты», - деді ол.
Оның атап өтуінше, тұрақсыз ауа райын (қатты жауын-шашын, жел, температураның тез түсуі және т.б.) анықтау деңгейі 7 күнге дейінгі аралықта құрайды. Сондықтан уақытын, орнын және циклонның туындау аралығын анықтауға арналған бір айлық болжамдар төменгі дәлдікке ие. Ал ведомствоның Гидромет орталығында 1, 3 және 7 күнге болжам (тиісінше 96% - 91%) жоғары делдікпен біріледі.
«Өкінішке орай атмосфералық процестерді, ауа райы болжамын жасаудың күрделі өзгешілігін түсінбеу Владимир Беккердің «Қазгидромет» болжамдарына қатысты қате пікірге түрткі болып отыр. 2018 жылдан бастап 2019 жылдың 4 сәуіріне дейін В.Беккермен іскерлік кездесулер барысында «Қазгидромет» болжамдарына наразылық білдіру болмаған. ТЖК басшылығын гидрологиялық болжау және ауа райын болжау бойынша жұмыстың өзгешілігімен танысуға шақырамын», - деді М.Қынатов.
1344 рет оқылды
