#
#
Cәрсенбі 23/09/2020

Қазақстанның білім беру платформалары белгісіз біреулердің DDoS-шабуылына ұшырады

  • 15.09.2020
  • 0
  • 70

Қазақстанның білім беру платформалары саналатын kundelik.kz пен bilimland.kz бағдарламаларына мақсатты түрде DDoS-шабуылдар жасалды.

Бұл шабуылдарды Қазақстан Республикасы Ұлттық қауіпсіздік комитетінің «Мемлекеттік техникалық қызмет» РМК KZ-CERT компьютерлік оқиғаларға жауап беру қызметі тіркеді, деп хабарлайды ҚазАқпарат тілшісі «МТҚ» РМК баспасөз қызметіне сілтеме жасап. 

Талдау жұмыстары барысында DDoS-шабуылдар көптеген IP-адрестер арқылы көбінесе шетелдік интернет сегменттер тарапынан жасалғаны анықталып отыр.

Қазіргі уақытта «МТҚ» РМК тарапында орналасқан аппараттық-бағдарламалық кешендердің көмегімен DDoS-шабуылдар тоқтатылды. 

Ведомствоның хабарлауынша, тіркелген шабуылдар білім беру интернет-ресурстарының қызметінің тоқтата алмаған.

«Кundelik.kz интернет-ресурсына шабуыл жасалғаннан кейін 8 минут өткен соң bilimland.kz білім беру порталына да шабуыл жасалды. KZ-CERT қызметінің сарапшылары шабуылдардың бір-бірімен байланысты және бұл шабуылдардың қашықтан оқыту барысында жоғарыда аталған білім беру порталдарының жұмысын бұзуға бағытталған деген шешімге келді», - деп хабарлайды KZ-CERT қызметі.

Айта кетсек, бұған дейін Bilim Media Group өзінің интернет-ресурсына бағытталған DDoS-шабуылдардың көбейгенін хабарлаған болатын.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар