© Photo : Рixabay/ Tariq Abro
Скандинавия елінде Құранды бірнеше рет қорлау дерегіне байланысты наразылық білдіру үшін Катардың сыртқы істер министрлігі Швеция елшісін шақырды, деп хабарлайды РИА Новости агенттігі ведомствоның баспасөз қызметіне сілтеме жасап.
"Катар сыртқы істер министрлігі Исламға және Құранға қарсы жалғасып жатқан теріс әрекеттерге байланысты Швеция елшісін шақырып, оған ресми наразылық меморандум тапсырылғанын хабарлайды. Бұл меморандумда Швеция билігін осы теріс әрекеттерді тоқтатуға шақырған үндеу де бар", - делінген хабарламада.
Айта кетейік, маусымның соңында Стокгольмде Құрбан айтты тойлау кезінде Құранды қорлаған және өртеген акция өтті. Бұл әлемнің көптеген елінде шу тудырды.
Бірқатар ислам мемлекеті Швеция билігінің әрекетін қатаң сынға алды. Иракта елдің елшілігінде жаппай наразылық шерулері өтті, наразы халық иммигрантты жазалау үшін сотқа беруді талап етті.
Алжир, Ауғанстан, Мысыр, Индонезия, Ливан, Сирия, Түркия, Өзбекстан, Араб мемлекеттері Лигасының бас хатшысы Ахмед Абул Гейт және Парсы шығанағы араб елдерінің ынтымақтастық кеңесінің бас хатшысы Джасем әл-Будайве де бұл әрекетті сынады. Иордания мен БАӘ сыртқы істер министрліктері наразылық нотасын тапсыру үшін Швеция елшілерін ведомствоға шақырды.
Сонымен бірге Швецияда діни кітаптарға зиян келтіретін бірқатар әрекетке рұқсат етілгені туралы ақпарат пайда болды.
1378 рет оқылды
