Қазақстандық шекарашылар 29 сұңқар құсын елден алып шықпақ болған катарлықтардың жолын кесті, деп хабарлайды "Ұлт ақпарат" ҚР Ұлттық қауіпсіздік комитетінің баспасөз қызметіне сілтеме жасап.
«Алматы» Халықаралық әуежайының өткізу пунктінде шекарашылар «Доха - Алматы» рейсімен ұшпақ болған Катардың екі азаматын ұстады. Шетелдіктер құстарды тиісті құжаттарсыз алып өтпек болған.
Көлік құралын және жүктерді қосымша тексеру кезінде қазақстандық шекарашылар жүктің тіркелгендігі туралы биркалар мен пломба салынбаған 15 ағаш жәшікті анықтады. Олардың ішінен жойылудың аз-ақ алдында тұрған 29 сұңқар құсы табылды.
Ұстау фактісі бойынша ҚР Ауыл шаруашылығы министрлігі ветеринарлық бақылау және қадағалау комитетінің аумақтық инспекциясының және тиісті құқық қорғау органдарының өкілдеріне хабар берілді. Е
Еске сала кетейік, өткен демалыс күндері Ресей азаматы шекара арқылы 12 көгершінді рұқсаттама құжатынсыз әкетпек болған жерінен ұсталған болатын.
3335 рет оқылды
