Қазақстандық велошабандоз үшін кейрин бойынша іріктеу жарысы сәтсіз аяқталды. Малайзиялық спортшы Сергей Пономаревтің алдына құлап түсіп, отандасымыз оны айналып өтуге үлгермеген, деп жазады KAZ.NUR.KZ.
Оқыс жағдай малайзиялық Мұхаммед Шах Фирдаус Сахром қарсыласының артқы дөңгелегіне соғылып, тепе -теңдікті жоғалтып алып, құлаған кезде болды. Оның соңынан ерген Пономаревтің қандай да бір әрекет етуге мүмкіндігі болмаған. Салдарынан екі спортшы соқтығысып, велошабандоздар 20-30 метрге ұшып кетті.
Соқтығысу кезінде екеуінің де жылдамдығы сағатына 75-78 шақырым болған екен.
Осылайша, Пономарев жарысты аяқтай алмады. Ол алаңнан өз аяғымен шығып кеткен. Қазақстандық спортшының денсаулығы туралы басқа дерек хабарланбады.
1342 рет оқылды
