Республикалық арнайы мониторинг тобының мүшесі, «QLT» ЖШС директоры Дәурен Сәліпов сатып алулар саласындағы жемқорлық тәуекелдерге қатысты пікір білдірді, деп хабарлайды ҚазАқпарат.
«Сатып алу процесін электронды форматқа ауыстыру Қазақстанда барынша жақсы жасалған деп айтуға болады. Ақпараттық технологиялар тұрғысынан алып қарағанда бұл – электронды формат әрі саралау мүмкіндігі бар. Заңнама тұрғысында бұл – мүлдем басқа дүние. Мәселен, бір дерекөз орын алу мүмкін жемқорлық тәуекелдерін тыюға мүмкіндік береді. Ал ІТ тұрғысында барлығы траспарентті болуы тиіс. Яғни, адамдар сатып алу саласында не болып жатқанын, қандай мемлекеттік орган кімнен сатып алып жатқанын көріп отыруы тиіс», - деді ол Сыбайлас жемқорлыққа қарсы қызмет алаңында өткен онлайн брифингіде.
Оның атап өтуінше, жаңа технологиялардың көмегімен белгілі бір жеткізуші мен органның арасындағы өзара байланысты анықтап алуға болады. Айталық, бір органның басшысы жұмыс орнын ауыстырған кезде жеткізушінің де ілесіп бірге баратындығын анықтау қиын емес. Ал мұндай жұмысты жолға қою үшін мемлекеттік органдардың жүйелерінде өзара ықпалдастық болуы тиіс.
«Жүйелердің өзара ықпалдасуының болмауы үлкен проблемаға айналған. Қазіргі уақытта бұл бағытта жұмыс жүргізіліп жатыр. Мемлекеттік мәліметтер қорымен мәліметтер алмасу үшін қосылуға мүмкіндік беретін смарт жүйе бар. Жеке жүйелер мемлекеттік базадан ақпарат алу үшін бірігуді өтіне алады», - деді Д.Сәліпов
825 рет оқылды
