Қазақстандық DJ Иманбек ресейлік музыкант Ярослав Милославский мен Кирилл Dzham-мен жазылған жаңа трегі шыққанын мәлімдеді, - деп хабарлайды Tengrinews.kz.
Жаңа туындыны диджей Instagram-дағы парақшасында жариялады.
Ярослав Милославский (Ya Rick) - ресейлік музыкант, ағылшын тіліндегі әндердің авторы және орындаушысы. Оның шетелде де тыңдармандары бар.
Кирилл Dzham - музыкалық карьерасын хип-хоп стилінде бастаған, кейін біртіндеп клуб өлеңдеріне ауысып, Ресейдегі мэшап Hip-Hop және Dance жанрындағы орындаушы болды.
Еске салайық, осыдан бір ай бұрын "Грэмми" сыйлығының иегері Иманбек Зейкенов норвегиялық диджей Алан Уокермен "Sweet Dreams" әні мен клипін шығарған болатын. Ал биыл сәуірде, қазақстандық музыканттың Моргенштерн және америкалық рэп орындаушы Fetty Wap-пен трегі жарық көрді.
2240 рет оқылды
