Головкин мен Альварестің Лас-Вегаста өтетін бокс кешінің андеркартындағы алғашқы жепе-жектің және PPV тікелей эфирінің қашан басталатыны анықталды, деп хабарлайды "Ұлт ақпарат" Vesti.kz сайтына сілтеме жасап.
Golden Boy промоутерлік компаниясының хабарлауынша, бірінші жекпе-жек қыркүйектің 15-інен 16-ына қараған түні Астана уақыты бойынша сағат 3:00-де басталады. PPV тікелей эфирінің алдындағы кездесулер Facebook әлеуметтік желісінде көрсетіледі.
Америкалық HBO және шетел телеарналарындағы ақылы көрсетілім 16 қыркүйекте Астана уақытымен таңғы 6:00-де басталады. Соңғы андеркарт жекпе-жегінен кейін рингке оқиғаның басты боксшылары шығады.
WBC, WBA (Super) және IBO нұсқасы бойынша орта салмақтағы әлем чемпионы Геннадий Головкин (38-0-1, 34 КО) мен мексикалық Сауль Альварестің бокс кешінің андеркартында сегіз жекпе-жек жоспарланған. PPV трансляциясына Никарагуалық төрт салмақ бойынша бұрынғы әлем чемпионы Роман Гонсалес (46-2, 38 кило) пен мексикалық Мойсес Фуэнтеспен (25-5-1, 14 КО) тартысы, IBF-тің орташа салмақтағы бұрынғы чемпионы канадалық Дэвид Лемье (39-4, 33 КО) және ирландиялық Гэри О'Салливанның (28-2, 20 КО), WBO бойынша бірінші орташа салмақтағы чемпион, мексикалық Хайме Мунгуяның (30-0, 25 КО) канадалық Брэндон Кукпен (20-1, 13 КО) жекпе-жегі көрсетіледі.
Бокс кешін «Qazaqstan» және «Qazsport» телеарналары тікелей эфирден көрсететінін бұған дейін хабарлаған болатынбыз.
Еске сала кетейік, Головкин-Альварес арасындағы бірінші жекпе-жек былтыр 16 қыркүйекте сол алаңда тең нәтижемен аяқталған болатын. Екінші айқасқа қазақстандық боксшы өзінің барлық титулын тігіп отыр. Оның The Ring чемпионы болуға және WBC-дің арнайы белбеуін алуға мүмкіндігі бар.
2271 рет оқылды
