Женева университетінің ғалымдары жүзім құрамындағы фенолдық қосылыс – ресвератрол өкпе қатерлі ісігін емдейтін қасиетке ие екенін анықтады, деп хабарлайды РИА Новости Science Daily порталына сілтеме жасап.
Бұл қасиетті анықтау үшін зерттеушілер тышқандарға тәжірибе жүргізді. Кеміргіштердің біраз бөлігін темекі түтінінде болатын канцерогенмен улайды. Артынша ресвератролмен емдейді. Сынаққа қатысқан тышқандарды төрт топқа бөлген: бірінші топқа канцероген де, ресвератрол да бермепті, екінші топқа – екі затты да бірден берген, ал тағы екі тышқанға екі заттың біреуін ғана беріпті.
Ғалымдардың айтуынша, бұдан бұрын ресвератролға жүргізілген зерттеулер өкпе қатерлі ісігін емдейтін қасиетін анықтамаған. Мамандар оның себебін былайша түсіндіреді: зат тышқандардың аузына құйылғандықтан, өкпесіне жетіп үлгермеген. Сол кезде олар процесті жеделдету үшін, затты мұрын арқылы енгізіп көреді, сонда ғана ресвератролдың пайдасы дәлелденеді.
Белгілі болғандай, "ем алған" тышқандарда ісіктің көлемі екінші топтағы кеміргіштердікімен салыстырғанда 45 пайызға кішірейген.
4244 рет оқылды
